តំបន់ទេសចរណ៍ កម្ពុជា: ខេត្តព្រះសីហនុ

Koh Sang Saa

In Cambodia’s untouched Koh Rong Archipelago, two pristine islands lie side by side. They are known locally as Song Saa – Khmer for ‘The Sweethearts’.

Preah Sihanouk Province | Ream National Park

ឧទ្យានជាតិរាម

ឧទ្យានជាតិរាម ត្រូវបានប្រកាសជាតំបន់អភិរក្សនៅឆ្នាំ១៩៩៣ ដោយព្រះរាជក្រិត្យ ពីព្រោះតែតម្លៃជាតិ វិទ្យាសាស្ត្រ អប់រំ និងកម្សាន្ត។ ឧទ្យាននេះស្ថិតនៅប្រហែលជា១៨គម ខាងកើតខេត្តព្រះ សីហនុ។ បុគ្គលិកឧទ្យានជាតិនេះ បម្រើជូនដំណើរកម្សាន្តដោយទូក ឬក៏ជូនដោយថ្មើជើងទៅកាន់តំបន់ដែលគួរឲ្យចាប់អារម្មណ៍ផ្សេងៗ។ អ្នកទេសចរណ៍អាចទស្សនាស្វា ផ្សោត ប្រើស ជ្រូកព្រៃ និងបក្សាបក្សីជាច្រើនប្រភេទនៅលើផ្ទៃដីប្រមាណ២១ ០០០ហិកតា។ ឧទ្យាននេះមានព្រៃភ្នំ ព្រែក មាត់សមុទ្រ កោះ និងច្រាំងដែលមានផ្កាថ្ម។ សម្រាប់ព័ត៌មានលម្អិត សូមទាក់ទងទីស្នាក់ការកណ្តាលឧទ្យានជាតិ ដែលមានទីតាំងទល់មុខព្រលានយន្តហោះកងកេង៕

ឆ្នេរអូរឈើទាល

ឆ្នេរអូរឈើទាល ជាឆ្នេរដ៏ពេញនិយមបំផុតនៅខេត្តព្រះសីហនុ ដែលមានអ្នកទេសចរណ៍មូរមីរដេរដាស ព្រមទាំងមានកន្លែងលក់អាហារសមុទ្រ បារ និងឆ្នេរខ្សាច់លាតសន្ធឹង ពីម្ខាងទៅម្ខាង។ ជាងនេះទៅទៀត មានបន្ទប់ជួល និងផ្ទះតូចៗនៅលើកូនភ្នំ ដែលអាចមើលឃើញទេសភាពដ៏ត្រកាលនៃសមុទ្រ។ មានភោជនីយដ្ឋាននិងបារជាច្រើនកន្លែង បើកបម្រើជូនភ្ញៀវទេសចរណ៍ទាំងពេលថ្ងៃនិងយប់ផងដែរ៕

Preah Sihanouk Province | Ochheuteal Beach

ឆ្នេរSerendipity

ឆ្នេរ Serendipity គឺជាឆ្នេរដ៏ទាក់ទាញមួយ ដែលអ្នកអាចរកផ្ទះសំណាក់ថោកៗ នៅក្បែរមាត់សមុទ្រ។
មានហាងលក់ទំនិញ និងហាងលក់អាហារជាច្រើននៅក្បែរឆ្នេរនេះ។ ឆ្នេរនេះ មានសភាពរស់រវើក និងទាក់ទាញភ្ញៀវទេសចរណ៍បរទេសទៀតផង។

ឆ្នេរអូរត្រេស

ឆ្នេរអូរត្រេស ស្ថិតនៅក្បែរឆ្នេរអូរឈើទាលខាងត្បូង ហើយឆ្នេរនេះមានទិដ្ឋភាពប្រហាក់ប្រហែលទៅនឹងឆ្នេរអូរឈើទាលដែរ។ មានផ្លូវកាត់តាមកូនភ្នំពីអូរឈើទាល(កាត់តាមរមណីយដ្ឋានQueen Hill Resort) ផ្លូវចូលទៅកាន់ឆ្នេរអូរត្រេសជាផ្លូវទើបសាងសង់ថ្មី ហើយឆ្នេរវិញមិនសូវអភិវឌ្ឍបានច្រើនប៉ុន្មានដែរ។ មានខ្ចូសប្រក់ស្បូវសង់តម្រៀបតាមបណ្តោយឆ្នេរ និងបារព្រមទាំងភោជនីយដ្ឋានដែលមានដំបូលប្រក់ស្បូវ សង់ជាជួរៗនៅក្បែរមាត់សមុទ្ររួមមាន Star Bar ដែលផ្តល់ជូនផ្ទះតូចៗ បារ និងភោជនីយដ្ឋាន។ ឆ្នេរអូរត្រេសជាកន្លែងដែលអ្នកទេសចរណ៍អាចលេងកីឡាបានដូចជា ជិះទូកក្តោងជាដើម៕

ឆ្នេរឯករាជ្យ

ឆ្នេរឯករាជ្យ ជារមណីយដ្ឋានដែលមានឆ្នេរខ្សាច់សក្បុស ហើយត្រូវបានគេហៅឈ្មោះតាមសណ្ឋាគារឯករាជ្យ៧ជាន់។ ឆ្នេរឯករាជ្យមានសភាពស្ងប់ស្ងាត់ ដែលជាកន្លែងសម្រាប់អ្នកដែលមិនចូលចិត្តភាពអ៊ូរអរ និងសម្រាប់អ្នកដែលចូលចិត្តនៅជាមួយគូស្នេហ៍របស់គេតែពីរនាក់។ នៅទីនេះ អ្នកអាចមានអារម្មណ៍សុខក្សេមក្សាន្ត និងអាចគយគន់នូវសម្រស់ធម្មជាតិបាន៕

ឆ្នេរសុខា

រមណីយដ្ឋានឆ្នេរសុខាជាកន្លែងឯកជនមួយ ដែលបិទមិនឲ្យសាធារណជនទូទៅចូលទស្សនា។ ទោះជាយ៉ាងនេះក្តី ក៏នៅមានកន្លែងខ្លះបានបើកឲ្យចូលទស្សនាកម្សាន្តផងដែរ។

ឆ្នេរជ័យជម្នះ

ដោយមានចម្ងាយ២ គីឡូម៉ែត្រ ឆ្នេរជ័យជម្នះគឺជាឆ្នេរមួយដ៏វែង ហើយឆ្នេរនេះចែកចេញជាពីរគឺឆ្នេរដែលមានថ្ម និងឆ្នេរដែលមានទីទួលតូចៗ។ ឆ្នេរនេះស្ថិតនៅលើស្ថានីយ៍ព្យាករណ៍អាកាសធាតុដ៏មានប្រជាប្រិយមួយ។ ឆ្នេរជ័យជម្នះក៏ស្ថិតនៅក្បែរវិមានកម្ពុជា-វៀតណាម (វិមានជ័យជម្នះ) ដែលជាកន្លែងដែលមានប្រជាប្រិយភាពមួយ ពីព្រោះទីនេះមានសភាពស្ងប់ស្ងាត់និងសប្បាយ ព្រមទាំងមានបារនិងភោជនីយដ្ឋានបម្រើជូននូវអាហារគ្រប់មុខ ពិសេសអាហារសមុទ្រ។ ឆ្នេរជ័យជម្នះគឺជាឆ្នេរដែលអ្នកទេសចរណ៍អាចគយគន់ព្រះសុរិយា អស្តង្គតបានផងដែរ៕

ឆ្នេរលំហែកាយ

ឆ្នេរលំហែកាយ ត្រូវបានគេស្គាល់ថា "ឆ្នេរហាវ៉ៃ"។ ដូចឆ្នេរសំខាន់ៗដទៃទៀតដែរ ឆ្នេរលំហែកាយមានឆ័ត្រ និងកៅអីជាជួរៗ និងបារតូចៗ និងភោជនីយដ្ឋានជាច្រើននៅតាមបណ្តោយមាត់សមុទ្រ។ ឆ្នេរលំហែកាយមិនសូវមានភ្ញៀវទេសចរណ៍ច្រើនដូចឆ្នេរអូរឈើទាលទេ។ អ្នកទេសចរណ៍អាចចូលទៅកម្សាន្តឆ្នេរលំហែកាយពីផ្លូវតូចមួយនៅចុង ខាងត្បូង៕

Preah Sihanouk Province | Lomherkay Beach

Bridge to Snake Island (Morakot Island), Hawaii Beach

ឆ្នេរហាវ៉ៃ

ឆ្នេរហាវ៉ៃមានកន្លែងលក់អាហារ និងហាងតូចៗដែលមានដំបូលប្រក់ស្បូវជាច្រើន និងជាកន្លែងដ៏មានប្រជាប្រិយភាពមួយផងដែរ៕

តំបន់ទេសចរណ៍ កម្ពុជា

Pages

ខេត្តព្រះសីហនុ